2- تويتر والاباحيه (مقال من اجزاء للكبار فقط)

نيجى للسؤال ليه الاباحيه فى الكلام؟ الاسباب كثيره :

 الفئه الاولى (المثقفه) : تخويف الغير من التطاول او التدخل او التهديد.. للحصول على سقف حريه واستقلاليه اكبر، ووقف الحوارات السخيفه لخوف اصحابها من التعرض للاهانه، او "فش غل" عند الغيظ وقائد هذا الاتجاه نجم تويترى وطنى والناس بتحبه ولكن خايفه تكلمه احسن تتشتم فاسهل حاجه عنده الشتيمه..واحد مره بيقولوا عايز اسالك كذا بس اوعى تشتمنى.. فرد عليه كسمك ههههه! ، ولكن بالوقت هناك ناس بتتعود على لغته دى ومش بتشعر باهانه وممكن تعامله بمثلها، وهى فئه كتير بتكون مقبوله خاصه لما يوصل الغل لاخره من الدعاره الفكريه والسياسيه فلا تكون الاجابه المختصره الا السباب.

 الفئه الثانيه (المثقفه) : وبرضه فيه نجم تويترى مثقف يمثلها، ودى بتعتبر ان لغه الاباحيه فى كل جمله هى اللغه الطبيعيه وان ماعداها هى لغه "متكلفه" وتتمادى بالتبارى فى الاباحيه لحد مقزز فعلا وبدون داعى..احدهم مثلا يصور "بتاعه" وينزل الصوره مع كلامه..او يتمادى فى الاوصاف المقززه فى اى شيء وكأنه داخل منافسه فى التقزز مع الغير واللى يستحمل اكتر يكون اقوى (الصرصار مقزز ونهرب منه مع انه بشبشب ينتهى وحتى الشبشب ياتى ببقايا و بمنظر مقزز فنضطر لمحاربته بمبيدات نشتريها انظف..الانسان يتبرز هذا واقع.. لكن ليس بالضروره ان اضع الواقع فى وجهك!، الانسان يقتل الحيوان ليأكل لكن لو صورت لك ان ضع نفسك مكان الحيوان وجاء كائن اكبر واذكى منك وامسكك لذبحك لمجرد ان تكون حياتك وجبه عابره وتعدى له.. لاقشعريت..كل ده واقع)، وهى فئه شخصيا لا اعتقد انها مقبوله..فدائما نبحث عن الاجمل والارقى وليس الاحط.

 الفئه الثالثه : مش من تويتر ولكن لاكمال المنظومه من الواقع (وهى عاده غير مثقفه لكن قد تكون متعلمه وشاعره بنقص) هى الاوسخ على الاطلاق ومبرراتها غير معقوله..سلوكيات "شوارعجيه" .. ان حاورت احد ولم يعرف يرد عليك يحط ايده على لامؤاخذه "بتاعه" متعمد، عشان يشعرك بعدم رجولتك او يغلوش على تفكيرك ويلخبطك ..او يتكلم بايحاءات جنسيه ليكسر شعورك برجولتك لو كنت رجل او يحرجك لو كان المتحدث اليه بنت.. فيهينك ان كنت رجل بالايحاء انك شاذ او ان كنتى بنت بالايحاء انها شرموطه (قد فعلها بعض الجنود امام المتظاهرات وده كان سبب للشتيمه الشديده التى اطلقنها عليهم) وده نصيحه واجهه وهزأ امه بصراحه وقول له ايه اللى بتعمله ده ما تحترم الناس اللى قدامك واشتم باى صوره تستطيعها لو المجال حولك يسمح ...الخ اما لو كنت مؤدب واتحرجت فقد كسرك وازمك نفسيا او افقدك الثقه بنفسك (لو كنت حساسا) وعمل لنفسه هيبه لديك ووزن امامك اجتماعيا رغم انه تافه ..يبقى الشتيمه والمواجهه واجبه ومش غلط ابدا ابدا سواء قام بها بنت او شاب، والغرابه بقى تلاقى منهم شيوخ متأسلمين وبعضهم على وضوء لصلاه قادمه! او صايم! او يدعى التقوى والتشدد الدينى! او يدعو للدين؟! انه الشذوذ بعينه.