الحد
الاقصى للاجور فى الدول المتقدمه كامريكا واوروبا بمتوسط 14 ضعف، اما لدينا
فالاجور من 100 جنيه الى 3 مليون جنيه ...مفيش نسبه اصلا ! يعنى امريكا الغنيه
اللى "بنشحت" منها اللى رئيسها يقدر بذرار يولع الكون نووى.. مرتب
رئيسها اوباما = مرتب رئيس مجلس اداره شركه قطاع عام تافهه ...لازم اوباما بقى
يطالب بالمعامله بالمثل! احنا اغنياء للدرجه دى ومش عارفين؟!
المسأله
مش بس اهدار مال عام فى ظل ازمه اقتصاديه طاحنه فى مصر ومديونيه رهيبه وعجز
..المسأله ضياع العداله..طرف بيصرف ما بدى له ويقننه (التقنين لا يعطيه مشروعيه
باى مدخل سواء اخلاقى او دينى او اقتصادى!).. وطرف ادنى السلم مش لاقى ياكل !..
حتقولى
فيه خبرات "نادره" لا تقبل مرتبات متدنيه..ياعم لو فيه ضروره بجد.. اعمل
لجنة خبراء تقيم سنويا اداء من عينوا خبراء بعقد سنوى، وينطعن عليها فى المحكمه الاقتصاديه
ان أخطأت ..تراجع العقود والاداء كل سنه..زى مدربين الكوره..ولا اعتقد باهمية
خبراء الا نادرا جدا جدا.. والنادر لا يفسد لى قاعده ..مش كده والا ايه؟!
هناك
مسأله اخرى هامه فى مصر..دخول موظفى الحكومه والقطاع العام بتتحسن نسبيا فى
الدرجات العليا من مدير عام وطالع..يعنى قبل مايموت الشخص! طيب مش الافضل تبقى
المرتبات عاليه من البدايه وارتفاعها هادى لان الموظف فى بداية حياته بيكون شاب
وراه شقه وفرش ومهر وزواج ونشاط حياته اكبر ومفيد له وللبلد الحركه وهى يلزمها
فلوس اكتر! ..افرض لم يكن له اب طايل يدعمه و يحضر له ..يروح يموت؟ وان كان له اب
طايل..ياخد كل مايستطيعه خوفا على اولاده لانه طايل والاولاد مش ح يطولوا فى بداية
حياتهم وح يتعذبوا (حجة كل مسئول ضلالى)..مش كده يبقى طمنا الاهل ولم نحرض على
الحرام.. يبقى لازم الفرق بين الحد الاقصى والادنى للاجور يكون ضيق.
تجيبها
كده تجيبها كده لازم الحد الاقصى لا يزيد عن 15 ضعف باقصى حد ، اما الخبراء
التلكيكه فلهم حل كما اسلفت.
ليست هناك تعليقات:
إرسال تعليق